Mazungumzo yanaendelea kuona kwamba visima vya zamani vimefunguliwa tena kama njia moja ya kukabiliana na hali ya kiangazi katika mbuga ya wanyama pori ya Sarova Taita Hills eneo la Tsavo.

Mashetani wekundu wa Manchester United wameratibiwa kupepetana dhidi ya FC Rostov ya Urusi kwenye awamu ya 16 bora ya michuano ya Europa.

Kiungo wa kati wa Arsenal Santi Cazorla atakaa nje ya uwanja kwa kipindi chote kilichosalia cha msimu huu kutokana na jeraha la kifungo cha mguu. 

Miili ya wanafunzi wawili waliofariki maji siku ya jumatatu imepatikana huko Kitere kaunti ya Tana River.

Shughuli za kawaida zimekwama katika kaunti ya Kilifi baada ya vibarua na wauguzi wa serikali hiyo kugoma kwa kile walichodai kuwa ni kudhulumiwa na serikali hiyo.

Rais wa Zimbabwe Robert Mugabe leo ametimiza miaka 93 tangu kuzaliwa akiapa kusalia madarakani licha ya umri mkubwa na kuwa na matatizo ya afya.

Baadhi ya viongozi wa chama cha ODM kaunti ya Kwale wamemteua Issa Boi Juma kakake mdogo marehemu seneta Boi Juma ili aweze kumrithi na kukisimamia kiti cha useneta cha Kwale katika uchaguzi mkuu mwezi Agosti mwaka huu.

Watu watatu wameuwawa kwa kukatwa mapanga katika visa tofauti katika wadi ya Mwereni huko Lungalunga kaunti ya Kwale.

Washukiwa watatu kati ya saba wa ugaidi waliokamatwa jana wameachiliwa huru baada ya uchunguzi kuonyesha hawahusiki na ugaidi.

Polisi mjini Mombasa wamenasa magunia matano ya Bangi katika mtaa wa Tudor inayogharimu takriban shilling milioni mbili.

Mbunge wa Mvita Abdulswamad Shariff Nassir amewataka wafungwa walioko katika jela baridi kujisajili kwa wingi kama wapiga kura ifikapo siku ya Jumatatu juma lijalo wakati maafisa wa IEBC watakapo zuru jela hiyo ili kutekeleza shughuli hiyo ya usajili.

Muungano wa vyuo vikuu UASU,umetangaza kuanza maandamano nchi nzima siku ya Jumatatu baada ya  mazungumzo kushindikana juu ya mkataba wa mwaka 2013-2017.

Vijana walikuwa wamejihami wametatiza  kongamano la kinara wa cord Raila Odinga eneo la Turkana Mashariki, hali iliyomfanya Raila kutoroka bila kuhutubia umma.


Wanyama pori wanaendelea kuwahangaisha wakaazi wa kijiji cha Mkunumbi kilichoko katika mji wa Mpeketoni kaunti ndogo ya Lamu Magharibi.

Kadhi mkuu humu nchini Sheikh Ahmed Sharif Muhdhar amepongeza juhudi ya serikali ya kukabiliana na ulanguzi wa mihadarati.

Vijana wa Arsene Wenger Arsenal wameanza vibaya mkondo wa kwanza wa michuano ya klabu bingwa barani ulaya baada ya kulazwa kwa mabao matano kwa moja mikononi mwa Bayern Munich.

Viongozi  7 wa madaktari waliofungwa kutumikia kifungo cha mwezi mmoja gerezani wataachiliwa huru mara moja ili kuendelea na mazungumzo.

Kamishna  wa  kaunti ya Kwale Kutswa Olaka amewahahakikishia zaidi ya waathiriwa 4,000 wa dawa za kulevya kuwa hawatahaingaishwa wala kukamatwa na serikali badala yake serikali itawakamata madalali pamoja na walanguzi wa dawa za kulevya nchini.

Serikali imetangaza hali ya ukame ambayo kwa sasa inaathiri kaunti 23 kame na baadhi ya maeneo mengine hapa nchini kuwa janga la kitaifa.

Raia takribani 90 wa Somalia na wawili wa Kenya wametimuliwa kutoka Marekani saa chache baada ya taarifa kuibuka kwamba Rais Donald Trump atakabiliana na watu wanaoishi nchini humo kinyume cha sheria.

Mwakilishi wa wadi mteule kutoka kaunti ya Mombasa Sarah Nyamvula ameaga dunia leo katika hospitali moja nchini India alikokuwa anapokea matibabu baada ya kuugua ugonjwa wa saratani.

Viongozi wa baraza la maimamu na wahubiri nchini CIPK wamekutana na kiongozi wa wengi katika bunge la kitaifa Aden Duale na kujadiliana kuhusu mtaala wa wakiislamu pamoja na maendeleo yaliyopigwa na serikali ya Jubilee miongoni mwa masuala mengine.

Wananchi wametakiwa kutogusa au kula ndege pori au wanyama waliofariki kufuatia mkurupuko wa homa ya ndege katika nchi jirani ya Uganda.

Seneta wa Mombasa Hassan Sarai na mwenzake wa Makueni Mutula Kilonzo Jnr wamemlaumu raisi Kenyatta na magavana wote kwa kushindwa kumaliza mgomo wa madaktari kwa haraka.

Mratibu mkuu wa serikali ukanda wa pwani Nelson Marwa amejitokeza kukanusha madai ya Gavana wa Mombasa Ali Hassan Joho kuwa alikamtwa na polisi hapo jana na badala yake kusema kuwa gavana huyo alijipeleka mwenyewe katika kituo cha polisi cha Urban na kujizuia katika kituo hicho.

Wanachama wa Muungano wa wahadhiri wa vyuo vikuu UASU na ule wa wafanyikazi wa vyuo vikuu nchini  KUSU wametoa makataa ya siku saba kwa serikali kutekeleza mkataba wa maelewano waliotia sahihi mwaka 2013 la sivyo kushiriki mgomo.

Serikali kupitia halmashauri ya bandari ya Mombasa imepokea rasmi magari ya moshi 6 kutoka serikali ya china ikiwa ni katika harakati ya kuanzishwa kwa usafiri kutumia reli ya kisasa SGR inayotarajiwa kuzinduliwa rasmi mwezi Juni mwaka huu.

Polisi wameanza msako wa kuwatafuta wakuu wa muungano wa madaktari KMPDU, baada ya agizo la kukamatwa kwao kutolewa jana.

Siku chache baada ya gavana wa Mombasa Hassan Joho na mwenzake wa Kilifi Amason Kingi kupokonywa walinzi wao na serikali,sasa hatua sawia na hiyo imechukuliwa dhidi ya spika wa bunge la Kilifi Jimmy Kahindi.

Wanasiasa wa mrengo wa Jubilee  kaunti ya Mombasa, wanazidi kumkashifu gavana wa Mombasa Ali Hassan Joho, kuhusiana na kauli yake ya kumsuta hadharani raisi Kenyatta.

Wanafunzi wawili bora kutoka  kila shule iliyoko  eneo bunge la Mvita waliofanya vyema katika mtihani wa kitaifa wa darasa la nane KCPE  mwaka jana watafaidika na ufadhili wa masomo ya sekondari baada ya mbunge wa Mvita Abdulswamad Sharrif Nassir kuahidi kuwalipia karo.

Madakatari wamepinga nyongeza ya mshahara waliongozwa na serikali na  badala yake kusisitiza kuendelea na mgomo wao.

Waziri wa elimu dkt Fred Matiang’i ametangaza rasmi matokeo ya mtihani wa kitaifa wakidato cha nne  KSCE ambapo ni watahiniwa 141 waliopata alama ya ‘A’ ikilinganishwa na watahiniwa 2,636 waliopata alama hiyo katika mtihani huo mwaka jana.

Licha ya gavana wa Kwale Salim Mvurya kutengwa na baadhi ya magavana wenzake baada ya kuhasi mrengo wa CORD, sasa Mvurya amesema kuwa Jumuiya ya Pwani bado ipo licha ya tofauti zao za kisiasa.

Aliyekuwa meya wa zamani jijini Mombasa Taib Ali Taib atakuwa wakwanza kufika mbele ya jopo linamsaka mwenyekiti mpya wa tume ya uchaguzi na mipaka –IEBC.

Tarehe 10 Disemba imeainishwa kuwa Siku ya Kimataifa ya Haki za Binadamu- Kuainishwa kwa siku hii kunakumbusha juhudi kubwa zilizofanywa kwa lengo la kuwafanya watu waheshimu haki za binadamu kote duniani, azimio kubwa likiwa kupambana na dhulma,kuondoa ubaguzi na kueneza uhuru.

Maswala ya uchaguzi mkuu ujao wa mwaka 2017 yametawala kwenye hafla ya kuadhimisha sikukuu ya 53 ya Jamhuri humu nchini iliyoongozwa na Raisi Uhuru Kenyatta katika uwanja wa Nyayo jijini Nairobi.

Maelfu ya wagonjwa katika hospitali za umma humu nchini  wanahangaika bila matibabu kufuatia mgomo wa kitaifa wa madaktari na wahudumu wengine wa afya. 

Imebainika kwamba utendakazi wa aliyekuwa afisa mkuu wa wizara ya elimu, vijana na michezo kaunti ya Kilifi Adan Mohammed uliingiliwa pakubwa na katibu wa serikali ya kaunti hiyo daktari Owen Baya.

Imekuwa vifijo na nderemo katika shule ya msingi ya Aga khan Mombasa baada ya mwanafunzi wao Mohammed Hassan Ramadhan kuwa wakwanza kwa kupata alama ya 422 huku mwanafunzi wa pili akipata alama ya 415.

Polisi wamelazimika kufyatua risasi hewani kuwatawanya wananchi waliojawa na ghadhabu katika eneo la Mazeras kaunti ya Kilifi baada ya mwanamume mmoja kuaga dunia baada ya kugongwa na gari katika eneo hilo mapema leo.

Kiongozi wa chama cha Narc Kenya Martha Karua amekuwa mwenyeji wa rais Uhuru Kenyatta katika kaunti ya Kirinyaga wakati rais Uhuru alizuru eneo hilo kuanzisha miradi mbali mbali.

Wabunge katika muungano wa CORD watawasilisha mswada bungeni ambapo iwapo utapita basi utailazimisha serikali kuwalipa wafanyabiashara wake pesa zote kwa muda wa siku thelathini.

Huku serikali ikijiandaa kwa uchaguzi mkuu mwakani, idara ya polisi imetaja maafisa wapya wa upelelezi pamoja na wakuu wa polisi wa utawala katika kaunti mbali mbali nchini.

Afisa mtendaji wa tume huru ya uchaguzi na mipaka nchini Ezra Chiloba amewataka wakenya wanaoishi nje ya nchi kuisaidia tume hiyo kwa kujiandikisha kwa wingi kama wapigaji kura.

Mahakama ya Mombasa imetishia kumchukulia hatua seneta wa Nairobi Mike Sonko iwapo atashindwa kumleta kotini kiongozi wa vuguvugu la MRC, Omar Mwamnwadzi.

Mali ya thamani isiyojulikana imeteketea baada ya moto mkubwa kuzuka kwenye kampuni moja ya gesi katika kijiji cha Kwamagongo huko Kasemeni kinango katika kaunti ya Kwale usiku wa kuamkia leo.

Kinara wa muungano wa CORD Raila Odinga amewataka magavana wengine nchini pamoja na Rais Uhuru Kenyatta kuiga mfano wa gavana wa kaunti ya Kilifi Amason Kingi kwenye vita dhidi ya ufisadi.

Naibu rais William Ruto ameusuta mrengo wa upinzani CORD akiwataka kupanga manifesto ya muungano huo na kutafuta uungwaji mkono kutoka kwa wapiga kura badala ya kutumia tume huru ya uchaguzi na mipaka nchini IEBC kama kizingiti.

Kesi iliyowasilishwa na aliyekuwa kadhi mkuu nchini Sheikh Hammad Kassim kupinga makamishena wa wakfu wa kiislamu sasa imetupiliwa mbali na mahakama ya Mombasa.

Takwimu zilizopo zinaonesha kuwa uwanja wa siasa humu nchini na hata katika nchi nyingi za Kiafrika umetawaliwa na idadi kubwa ya wanaume ukilinganisha na wanawake.

Kutokana na huduma duni za kiafya katika hospitali za umma humu nchini, imekuwa nadra sana kwa viongozi wa kuu serikalini kutibiwa katika hospitali hizi.

Jumla ya wanajeshi 2,000 kutoka mataifa ya Uganda, Tanzania, Burundi, Rwanda na Jeshi la humu nchini KDF wamekusanyika katika eneo la Matuga kaunti ya Kwale kwa zoezi la kuiga oparesheni ya shambulizi la kigaidi (Drill) lililozinduliwa ramsi hii leo na waziri wa ulinzi Rachael Omamo huku kauli mbiu ya mwaka huu ikiwa ni ushirikiano imara katika Afrika Mashirika.

Zaidi ya familia 300 zilizoathirika na baa la njaa na zinazoishi na virusi vya Ukimwi katika maeneo ya Kikoneni, Vitsangalaweni na Godo kaunti ndogo ya LungaLunga zimefaidika na chakula cha msaada kutoka kwa wahisani mbalimbali likiwemo shirika la kijamii la Fanikisha. 

Kiongozi wa chama cha NARC Kenya Martha Karua ameshangaza wengi katika ulingo wa siasa kwa kuweka bayana kwamba anamuunga mkono rais Uhuru Kenyatta kuwania kiti cha urais mwakani.

Viongozi wa dini ya kislamu kaunti ya Kwale  wameandaa maombi maalumu ya  kuomba mvua  baada ya hali ya kiangazi  kushuhudiwa katika kaunti hiyo kilichosababisha uhaba mkubwa wa chakula katika maeneo ya Kinango na Lungalunga.

Donald Trump amemshinda Hillary Clinton katika matokeo ya uchaguzi wa urais uliokuwa na ushindani mkali.

Wavuvi na wanaharakati wa kulinda mazingira  mjini Amu katika kaunti ya Lamu  wameandamana hii leo kupinga zoezi la uchimbaji wa visima linaloendelezwa na mradi wa Lapset lililoanza wiki tatu zilizopita katika eneo la Shakalapae wakidai uchimbaji huo unaathiri kazi yao ya uvuvi.

Waziri wa elimu Dkt Fred Matiangi amekamilisha ziara yake kaunti ya Kwale kwa kutembelea shule kadhaa za msingi za eneo hilo mapema leo kutathmini hali na jinsi mtihani wa kitaifa wa darasa la nane unavyosimamiwa.

Mbunge wa Mvita Abdulswamad Shariff Nassir amepongeza hatua ya viongozi wa kidini kuandaa maombi ya kuomba mvua kutokana na hali ya ukame inayoshuhudiwa katika maeneo mbalimbali nchini na kusema kwamba tayari dalili ya kukubaliwa kwa dua hiyo imeanza kuonekana.

Hali  ya utulivu imeshuhudiwa katika shule mbalimbali za msingi hapa jijini Mombasa wakati wanafunzi wa darasa la nane wamefanya maaandalizi ya mtihani  wa kitaifa K.C.P.E.

Shirika la mawasiliano nchini limeanzisha shughuli ya usambazaji wa huduma za mitandao kwa shule nne za upili kaunti ya Kwale ikiwa ni kati ya njia moja wapo ya kuthibiti watoto kutumiwa vibaya kingono kupitia mitandao.

Kiongozi wa chama cha Labour  LPK Ababu Namwamba amejipata mashakani baada ya vijana waliojawa na ghadhabu wanaoaminika kuwa wafuasi wa chama cha ODM kumvamia nje ya kanisa la  Glory Worship center Ministry katika eneo bunge la Jomvu kwa kile walichodai kuwa ni msaliti.

Huku uhaba wa chakula ukiendelea kushuhudiwa katika maeneo mbalimbali Ganze,maafisa wanaohusika na maswala ya lishe bora katika kaunti ya Kilifi wamesema hali hiyo huenda ikasababisha utapia mlo na kudumaa kwa watoto.

Viongozi mbali mbali wa bara la Afrika wamelipokea vyema ombi la Kenya la kuwataka wamuunge mkono waziri wa mambo ya nje Amina Mohammed kuwa mwenyekiti wa tume ya muungano wa nchi za Afrika.

Tume ya kuajiri walimu nchini TSC itawachukulia hatua  za kinidhamu walimu watakaokaidi agizo la kusalia shuleni wakati mtihani wa kitaifa wa darasa la nane na kidato cha nne utakapokuwa ukiendelea.

Idara ya polisi mjini Kilifi imeanzisha uchunguzi kuhusu kisa ambapo babake mwanahabari joseph Masha aliyefariki katika hali ya kutatanisha amejiua kwa kujitia kitanzi nyumbani mwake katika eneo la Kolongoni kaunti ndogo ya Kilifi Kusini.

Rais Uhuru Kenyatta ameagiza idara ya usajili wa watu kuwasijili na kuwapa vitambulisho jamii ya Wamakonde na jamii nyengine za kaunti ya Kwale zisizo na uraia.

Utafiti mpya wa afya unaonyesha kwamba asilimia 92 ya wakenya hawaridhishwi na huduma za afya nchini wakieleza kwamba sekta hiyo iko katika hali mbaya.

Kamati ya bunge juu ya bajeti na makisio imependekeza kupunguzwa kwa idadi ya wabunge katika bunge la kitaifa pamoja na mabunge ya kaunti.

Kamati mbili za bunge zinalitaka taifa la Kenya pamoja na nchi za Afirika mashariki kuiwekea vikwazo nchi ya Sudan Kusini iwapo viongozi wao watashindwa kuelewana kumaliza vita nchini humo.

Hatimaye msafara wa Wamakonde na jamii nyengine zisizokuwa na uraia kutoka kaunti ya Kwale umewasili jijini Nairobi Jumatano jioni baada ya matembezi ya siku tatu.

Wakazi katika eneo la Mariango kaunti ndogo ya Ganze wameanzisha mikakati ya kukabiliana na janga la uhaba wa chakula kwa kuanzisha mradi wa kukamua maji ya alovera na kuuza.

Msafara wa Kundi la Wamakonde, Warwanda na Wapemba uliozuiliwa katika eneo la Voi na funguo na stakabadhi za kuendesha magari kuchukuliwa na polisi wameruhusiwa kuondoka katika kituo cha polisi cha Voi walikopiga kambi ila kutakiwa kesho kufika katika ofisi ya Kamanda wa polisi wa Taita Taveta.

Mahakama kuu ya Mombasa imesimamisha dhamana ya mjane wa marehemu sheikh Rogo kwa muda usiojulikana hadi pale rufaa iliyowasilishwa na afisi ya mkurugenzi mkuu wa mashtaka ya umma itakaposikilizwa.

Kaunti ya Mombasa inatarajiwa kuwa na kinyang’anyiro kikali katika uchaguzi mkuu ujao ambapo gavana Hassan Ali Joho anatarajiwa kupokea ushindani mkali kutoka kwa wapinzani wake.

Utafiti uliofanywa na tume ya maridhiano na utangamano nchini inaonyesha kaunti ya Kirinyaga na Nandi zimeajiri kabila zao peke yake katika kazi zote za kaunti kinyume cha sheria ambapo asilimia sabini inafaa kuwa ya wenyeji na asilimia 30 ya makabila yaliyoko katika kaunti husika.

Mratibu wa serikali ya kitaifa kanda ya Pwani Nelson Marwa ameagiza kutiwa mbaroni kwa gavana wa Mombasa Hassan Ali Joho baada ya kuongoza kundi la vijana wiki iliyopita kubomoa ukuta unaozingira ardhi ya shirika la kitaifa la utangazaji nchini KBC eneo la V.O.K.

Muda mchache baada ya mahakama kumpa dhamana ya shilingi milioni moja mjane wa marehemu Sheikh Aboud Rogo, mahakama imebatilisha uamuzi huo kwa kusimamisha dhamana hiyo kwa muda wa siku nane.

Mwanamume mshukiwa wa wizi ameponea kifo mjini Malindi baada ya kuvamiwa na kupigwa na umma kabla ya kuokolewa na polisi katika mtaa wa Sabasaba.

Bei ya mafuta duniani imeanza kupanda baada ya muungano wa mataifa yanayozalisha mafuta kwa wingi, Opec, kukubaliana kupunguza uzalishaji wa mafuta kwa mara ya kwanza katika kipindi cha miaka minane.

Mtu mmoja amefariki baada ya basi la abiria walilokuwa wakisafiria kuhusika kwenye ajali katika eneo la Ziro Ziro huko Kinondo kaunti ya Kwale kwenye barabara kuu ya Likoni-Lungalunga usiku wa kuamkia leo.

Wanawake huko Kwale wameandamana hii leo kukashifu matamshi ya wawakilishi wa wanawake wa kaunti ya Mombasa na Kilifi Mishi Mboko na Aisha Jumwa wakati wa ziara ya kinara wa CORD Raila Odinga wakidai walimdhalilisha Gavana wa kwale Salim Mvurya.

Hatimaye mke wa marehemu Sheikh Samir Khan ameachiliwa huru na kutakiwa kuripoti tena katika afisi za idara ya upelelezi katika kituo cha polisi cha Diani baada ya muda wa majuma mawili huku uchunguzi dhidi yake ukiendelea.

Maradhi ya kisukari yametajwa kuongezeka kwa asilimia kubwa katika eneo la Pwani kutokana na jinsi ya hali ya kimaisha wanayoishi wakaazi wa eneo hili pamoja na aina ya vyakula wanavyotumia.

Shirika la Posta nchini limezindua rasmi huduma zake za M-POST ambapo wateja watapokea jumbe kupitia kwa simu zao kuhusu mzigo au barua watakazotumiwa kupitia shirika hilo.

Watu 2 wamefariki papo hapo na wengine kadhaa kujeruhiwa vibaya baadaa ya kuhusika katika ajali mbaya ya barabarani iliohusisha magari matatu katika eneo la Tiwi kwenye barabara kuu ya likoni-Lungalunga mapema leo katika kaunti ya Kwale.

Timu ya Barcelona kutoka Uhispania itakosa huduma ya mshambuliaji wake matata Lionel Messi kwa kipindi cha wiki 3.

Tume ya huduma kwa mahakama imempendekeza jaji David Maraga kuwa jaji mkuu nchini nafasi iliyowachwa wazi baada ya jaji daktari Willy Mutunga kumaliza muhula wake.

Marekani na Urusi zimelaumiana vikali kwenye baraza la Usalama la Umoja wa Mataifa juu ya mashambulizi dhidi ya msafara wa misaada nchini Syria, pamoja na hatua ya kuvunja mkataba wa kusitisha mapigano.

Jarida la soka la Ufaransa limefanya mabadiliko ya kanuni za uteuzi wa mchezaji bora duniani baada ya kushirikiana na FIFA kwenye tuzo za Ballon d’Or kwa miaka 6.

Umoja wamataifa umesitisha misafara yote ya misaada nchini Syria baada ya malori ya Umoja huo kushambuliwa na ndege za kivita karibu na Aleppo Jumatatu.

Mahakama ya kimataifa dhidi ya jinai ICC imeipata serikali ya Kenya na hatia ya kutoshirikiana na mahakama hiyo wakati wa kesi ya rais Uhuru Kenyatta. 

Zaidi ya wanaharakati wa mazingira hamsini wamefanya maandamano kwenye barabara ya Lang’ata kupinga ujenzi wa barabara ya kisasasa ya reli yaani SGR utakaopitia katikati mwa mbuga ya wanyama ya Nairobi.

Mabalozi wa nyumba kumi huenda wakapata sababu ya kujitolea zaidi katika kazi yao hiyo inayohatarisha maisha baada ya serikali kusema itaanza kuwapa marupurupu.

Michuano ya UEFA ndogo au EUROPA imeanza katika hatua ya makundi, mechi 24 zimechezwa ambapo Manchester United ikiwa ugenini ilipokea kichapo cha 1-0 dhidi ya Feyenoord ya Uholanzi.

Tume ya kitaifa kuhusu haki za binadamu nchini KNCHR inatarajiwa kuandaa kikao cha wiki nne kwenye ukanda wa pwani mwezi ujao kwa ajili ya kukusanya malalamishi kuhusu ukandamizaji wa haki za binadamu.

Mwenyekiti wa shirikisho la mpira wa migu la nchini Solvenia Aleksander Ceferin ndio mwenyekiti mpya wa UEFA baada ya kuibuka mshindi dhidi ya mpinzani wake mwenyekiti wa shirikisho la mpira wa migu la Uholanzi Michael van Praag.

Ligi ya klabu bingwa barani Ulaya imeanza usiku wa kuamkia leo, ambapo jumla ya michezo saba kwenye makundi matano ilipigwa kwenye viwanja tofauti. Kundi A Basel ya nchini Uswiz ilitoshana nguvu kwa kutoka suluhu ya 1-1 dhidi ya Ludogorets Razgrad ya nchini Bulgaria.

Zoezi la kutafuta  jaji mkuu nchini  limeanza tena hii leo  huku wakili Lucy Wanja Julius akihojiwa na tume ya huduma kwa mahakama.

Rais Uhuru Kenyatta ameongea kwa njia ya simu na mwenzake wa Tanzania John Magufuli kumpa usaidizi kufuatia tetemeko la ardhi lililoikumba wilaya ya Bukoba iliyopo kaskazini magharibi mwa Tanzania.

Ndege ndogo ya mafunzo imeanguka katika eneo la Kibiko - Ngong hii leo na kuwaacha mwanafunzi na mwalimu wakiwa na majeruhi.

Mgombea Urais kutoka chama cha Democratic Hillary Clinton amekutwa na ugonjwa wa homa ya mapafu baada ya kuugua katika tukio la kuwakumbuka wahanga wa shambulio la septemba 11.

Gavana wa kaunti ya Mombasa ametoa wito wa utulivu kwa wakaazi wa jiji la Mombasa baada ya kufeli kwa shambulizi la kigaidi leo asubuhi katika kituo cha polisi cha Central ambapo wanawake watatu washukiwa wa ugaidi wameuliwa na maafisa wa polisi. 

Wanawake watatu washukiwa wa ugaidi wameuwawa na maafisa wa polisi katika kituo cha polisi cha Central hapa jijini Mombasa baada ya kuvamia kituo hicho mwendo wa saa nne na nusu asubuhi.

Takriban Mahujaji wa kiislamu milioni 1.5 wamekusanyika nchini Saudi Arabia chini ya ulinzi mkali, kabla ya kuanza rasmi ibada ya hija ya kila mwaka.

Huku mchakato wa kuvunjwa kwa vyama ili kujiunga na chama kimoja cha JAP ukikaribia kukamilika, mbunge wa TNA katika eneo la Narok Kazkazini Moitalel Ole Kenta amekataa kujiunga na chama hicho na kusema ataingia katika chama cha ODM.

Idara ya mahakama imefanya mabadiliko katika baadhi ya mahakama za kadhi nchini ambapo jumla ya makadhi 13 katika mahakama hizo wamepata uhamisho. 

Majaji watatu katika mahakama ya rufaa wametoa hukumu ya kuwaruhusu wanafunzi wa kiisilamu nchini Kenya kuvaa hijab na suruali ndefu kulingana na mafunzo ya dini yao.

Viongozi wa kisiasa kutoka eneo bunge la Magarini kaunti ya Kilifi wametishia kuwashinikiza wananchi kuishinikiza serikali kukabiliana na wanyama pori wanaoendeleza mashambulizi dhidi ya binadamu na mifugo.

Baada ya Kongamano la siku mbili baina ya wakuu wa muungano wa vyama vya wafanyikazi nchini COTU na wenzao wa NSSF sasa wamekubali kushirikiana ili kuhakikisha wanasuluhisha migogoro iliyopo kati yao.

Mchezaji wa kimataifa na mshambuliaji wa timu ya Manchester United ya Uingereza Wayne Rooney mwenye umri wa miaka 30 athibitisha kuacha kuitumikia timu yake ya taifa ya Uingereza baada ya kombe la dunia litakalo timua vumbi  nchini Urusi mnamo mwaka 2018.

Waziri mkuu wa Japan Shinzo Abe ameahidi dola bilioni 30 za kufadhili miradi ya maendeleo barani Afrika, pamoja na msaada kwa kipindi cha miaka 3 ijayo, kwa lengo la kuimarisha ukuaji na biashara barani Afrika.

Mzee mwenye umri wa miaka 75 anazuiliwa katika kituo cha polisi cha Lungalunga baada ya kumbaka mtoto wa umri wa miaka 12 katika eneo la Mrima huko Lungalunga kaunti ya Kwale.

Afisa mmoja kutoka baraza la kitaifa la mitihani nchini KNEC amelazimika kukatiza hotuba yake baada ya walimu wakuu kumzoma alipokuwa anasoma mapendekezo kuhusiana na jinsi ya kukabiliana na wizi wa mitihani ya kitaifa.

Msimamizi mkuu wa mahujaji humu nchini ameeleza kwamba hadi sasa ni idadi ndogo ya wakenya waliojisajili kwenda kuhiji mwaka huu.

Takwimu kutoka baraza la kitaifa la kudhibiti maambukizi ya virusi vya ukimwi NACC zinaonyesha kuwa watoto 14 wenye umri wa kwenda shule wanaaga dunia kutokana na maradhi yanayohusishwa na ukimwi.

Wakaazi wa kijiji cha Magodzoni huko Tiwi  kaunti ya kwale wameamkia tukio la kuwashangaza baada ya kuona kijeneza kwenye kaburi la marehemu aliyezikwa majuma mawili yaliopita kikiwa kimefinikwa kaniki.

Gari la moshi la mabogi ya mizigo lililokua likielekea nchini Uganda kutoka hapa Mombasa limeanguka katika eneo la Kibarani Makupa alfajir ya leo.

Kikosi maalum cha polisi kimenasa dawa za kulevya aina ya Cocaine ikiwa ndani ya makasha yaliyoingia na meli bandarini Mombasa kutoka nchini Brazil.

Wanachama wawili wa baraza la MRC wamehukumiwa kifo baada ya kupatikana na hatia ya mauwaji ya maafisa wanne wa polisi.

Mazungumzo ya kutatua mzozo wa kufungwa kwa kampuni mbili zinazomilikiwa na familia ya gavana wa Mombasa Hassa Joho nje ya mahakama bado hayajazaa matunda kufukia sasa.

Miongoni mwa shule zaidi ya mia moja zilizokumbwa na visa vya moto nchini baina ya mwezi wa Juni na Julai ni shule moja tu imehusika kutoka eneo la Pwani.

Wahudumu wa bodaboda katika eneo la Kona ya Musa huko Ukunda kaunti ya Kwale wameandamana mchana wa leo baada ya mmoja wao kutekwa na maafisa wanaoaminika kuwa wa kitengo cha kupambana na ugaidi ATPU na kutoweka naye kwa kutumia gari aina ya Probox.

Mshukiwa mmoja wa ugaidi anazuiliwa na maafisa wa kupambana na ugaidi kaunti ya Kwale baada ya kutiwa nguvuni jioni hapo jana katika eneo la Ng`ombeni.

Shirika linaloshughulikia mizozo ya kisheria limetoa wito wa kujiuzulu kwa mwenyekiti wa tume ya kupambana na ufisadi nchini Phillip Kinisu na mwenzake wa tume ya uchaguzi na mipaka IEBC Issack Hassan kutokana na madai wanayohusishwa nayo.

Mshukiwa mkuu wa ulanguzi wa pembe za ndovu Feisal Mohammed amehukumiwa kifungo cha miaka 20 jela kwa kupatikana na hatia.

Familia saba zimeachwa bila makao katika eneo la Bombululu - Mbuyuni kata ndogo ya Ziwa la Ng’ombe eneo bunge la Nyali baada ya nyumba yao kuvunjwa na jamaa mmoja anayedai umiliki wa kiwanja cha nyumba hiyo.

Polisi kutoka kaunti ya Lamu wangali wanawasaka wanafuzi wawili wa shule ya upili ya Mokowe wanaodaiwa kuwa miongoni mwa wanafunzi kumi waliokamatwa kwa madai ya kujaribu kuchoma shule.

Tume ya maadili na kupambana na ufisadi (EACC) imesema mwenyekiti wa tume ya uchaguzi na mipaka IEBC Issack Hassan hakuhusika kabisa katika kashfa ya Chickengate.

Vikosi vya usalama nchini Uturuki vinasema kuwa zaidi ya maafisa 8,000 wa polisi wamefutwa kazi, kufuatia jaribio la mapinduzi lililozimwa wiki iliyopita.

Kesi ya uteuzi wa makamishna wa tume ya Wakfu nchini imeahirishwa baada ya pande zote kuomba muda wa kujitayarisha na kesi hiyo.

Tume ya huduma kwa Mahakama imeteua majina 13 kuingia katika mahojiano ya kujaza nafasi ya Naibu jaji mkuu nchini na majina mengine 18 kujaza nafasi ya majaji katika Mahakama ya juu zaidi nchini.

Imebainika kwamba familia nyingi ambazo watu wao wamekuwa wakipotea kwa njia zisizoeleweka wamekuwa na uoga wa kuripoti visa hivyo katika idara ya polisi.

Bodi ya wakurugenzi wa bandari nchini KPA imemchagua Catherine Mturi-Wairi kuwa mkurugenzi mkuu wa shirika hilo kwa muda wa miaka miwili.

Chama cha ODM bado kiko imara na wala hakitayumbishwa kwa kujiuzulu kwa katibu mkuu wa chama hicho Ababu Namwamba.

Mashindano ya kombe la EURO 2016 yalifika kileleni hapo jana usiku baada ya mechi ya fainali kali ya kusisimua kuchezwa kati ya Ufaransa na Ureno.

Waziri mkuu wa India Narendra Modi amewasili humu nchini akiwa katika ziara yake ya mataifa manne ya Afrika iliyoanza nchini Msumbiji.

Ukosefu wa usalama katika kaunti ya Mombasa umetawala sherehe ya Eid Baraza katika bustani la Treasury Square.

Wanawake katika kaunti ndogo ya Ganze sasa wanawataka viongozi wa wanawake kuenda katika eneo hilo ili kuwanusuru kutoka kwa waume wao wanaowalazimisha katika tendo la ndoa.

Mmoja wa mawakili aliyehusika pakubwa katika kubuniwa kwa katiba mpya nchini Nzamba Kitonga ni mmoja kati ya kumi na nne waliotuma maombi ya kutaka kazi ya jaji mkuu nchini.

Vijana wawili wanazuiliwa rumande wakisubiri uchunguzi kufanywa dhidi yao baada ya kushtakiwa kuiba kuku.

Ufaransa imetinga katika hatua fainali ya Kombe la Mataifa barani Ulaya kwa mwaka huu baada ya kuifunga Ujerumani 2-0.

Huku zikisalia takriban siku 396 kabla ya uchaguzi mkuu ujao wa mwaka 2017, vijana wamehimizwa  kujitokeza kwa wingi kujiandikisha kama wapiga kura kuwachagua viongozi watakaoendeleza ajenda za vijana nchini.

Mlipuko mkubwa umetokea katika mji wa Medina nchini Saudi Arabia, shuhuda wa tukio hilo anaeleza kwamba mtu aliyejitoa muhanga alifyatua kitufe cha kujilipulia karibu na msikiti mkubwa wa Mtume, ambapo msikiti huo ni mmoja wapo ya eneo takatifu kwa Waislamu.

Wanaharakati wa kutetea haki za binadamu, majaji na mahakimu  pamoja na viongozi wa kisiasa kutoka hapa Pwani wameungana na mawakili wengine nchini katika maandamano ya amani wakipinga mauaji ya kiholela yanayoaminika kutekelezwa na maafisa wa polisi.

Wanaharakati wa kutetea haki za binadamu hapa Pwani wamesema wanahofia maisha yao baada ya kuuwawa kwa wakili Willie Kimani na watu wengine wawili.

Moto mkali umeiteketeza Hoteli ya kifahari ya Neptune Village huko Diani kaunti ya Kwale huku mali inayokisiwa kuwa ya mabilioni ya pesa ikiharibiwa kwenye mkasa huo wa saa kumi na mbili unusu jioni hapo jana.

Baada ya mchezaji nyota wa zamani wa timu ya taifa Argentina Diego Maradona kumtaka nyota wa soccer kutoka Argentina Lionel Messi kurejea katika timu ya taifa ya Argentina, sasa ni zamu ya rais wa Argentina  Mauricio Macri nae kupitia njia ya simu amtaka Messi kubadili uamuzi wake na kurejea katika timu ya taifa.

Tume ya maadili na kupambana na ufisadi  imeridhishwa na uamuzi wa tume ya kuwaajiri walimu nchini TSC wa kuweka kanuni mpya za maadili ili kuwaongoza walimu.

Poland itakutana na Croatia ama Portugal katika robo fainali ya michuano ya Euro2016 baada ya kuishinda Switzerland kwa Penalti.

Vijana kaunti ya Mombasa wamemlaumu rais Uhuru Kenyatta kwa kutowateuwa kwenye nyadhfa mbali mbali za idara, halmashauri na mashirika ya serikali nchini na badala yake amawateuwa wazee kusimamia nyadhfa hizo.

Wahudumu wa Mpesa mjini Kilifi wameeleza hofu yao kuwa huenda wakaendelea kuibiwa na wezi ambao wanawalenga baada ya mhudumu mmoja kuibiwa simu yake ya mpesa na watu waliojifanya kuwa wateja.

Waziri mkuu wa Uingereza, David Cameron, ametangaza atajiuzulu, baada ya kushindwa kuwashawishi raia wengi wa Uingereza, kusalia katika muungano wa Ulaya.

Asilimia 65 ya watoto wanajihusisha na ngono biashara  katika kaunti ya kwale hasa katika maeneo ya fuo za bahari na maeneo ya burudani hali inayotajwa kusababishwa na hali ya umaskini uliokithiri katika kaunti hiyo.

Rais Uhuru Kenyatta amesema serikali kupitia wizara ya elimu ina mpango wa kubuni sheria thabiti zitakazohakikisha wale wanaohusika na wizi wa mitihani ya kitaifa wanachukuliwa hatua kali. 

Timu ya Croatia imeichapa Hispania jumla ya magoli 2-1 katika mchezo wa kusisimua wa kundi D wa michuano ya Kombe la mataifa ya Ulaya Euro inayochezwa huko Ufaransa.

Washukiwa 3 wa ugaidi waliokamatwa huko kinango kaunti ya Kwale watazuiliwa kwa muda wa siku kumi baada ya mahakama ya Kwale kukubali ombi la afisa mkuu wa upelelezi eneo la Matuga Stephen Muli la kutaka muda zaidi kukamilisha uchunguzi dhidi ya washukiwa hao.

Hofu sasa imeanza kuwazonga wananchi katika kaunti ya Kilifi baada ya kubainika kuwa visa vya utekaji nyara wa watoto vinaendelea kuongezeka huku idara ya polisi ikitakiwa kuingilia kati ili kuchunguza visa hivyo.

Jaji wa makahama kuu nchini Mohammed Ibrahim ndiye atakayeongoza mahakama hiyo kufuatia kustaafu kwa jaji Willy Mutunga kama jaji mkuu wa mahakama nchini mchana wa leo.

Tume ya kitaifa ya uwiano na utangamano NCIC imesema ina shirikiana na tume huru ya uchaguzi na mipaka nchini IEBC pamoja na msajili wa vyama vya kisiasa kuweka sheria za kuhakikisha wanasiasa wanapata cheti cha uwiano kutoka kwa tume hiyo kabla ya kuruhusiwa kuwania wadhfa wa kisiasa katika uchaguzi mkuu wa mwaka ujao.

Muungano pinzani wa CORD umesitisha maandamano yao ambayo yalikuwa yafanyike hapo kesho ili kutoa nafasi kwa mazungumzo. 

Viongozi wa mrengo wa Jubilee wakiongozwa na naibu wa rais William Ruto wamewataka viongozi wa mrengo pinzani wa Cord kuwa wakweli katika wito wao wa kutaka mabadiliko katika tume ya IEBC.

Mashindano ya kombe la EURO 2016 barani Ulaya yaling’oa nanga hapo jana kwa mechi ya ufunguzi iliyochezwa kati ya Ufaransa na Romania katika uga wa Stade de France.

Baa la njaa limeanza kuwanyemelea wakazi katika eneo la Bamba kaunti ndogo ya Ganze kutokana na kiangazi ambacho kinaendelea kushuhudiwa katika eneo hilo.

Maelfu ya watu wamehudhuria swala ya kiislamu ya kumuombea aliyekuwa mwandondi bingwa duniani Muhammad Ali - ambae alikufa wiki iliyopita.

Kamishna mkuu wa shirika linalosimamia maswala ya wakimbizi la Umoja wa mataifa UNHCR bwana Filippo Grandi yuko nchini Kenya kwa mazungumzo kuhusu mpango wa serikali  kufunga kambi kubwa zaidi ya wakimbizi duniani ya Daadab, iliyoko kaskazini mwa Kenya ifikapo mwezi Novemba mwaka huu.

Muungano wa CORD umemteua seneta James Orengo na Johnstone Muthama kuongoza kundi la viongozi watano kushiriki mjadala juu ya mabadiliko katika tume ya uchaguzi nchini.

Washukiwa 43 wa kundi la MRC wameachiliwa huru baada ya kukosekana ushahidi wa kutosha wa kuwahushisha na kundi hilo.

Mzee mmoja ameuwawa kwa kuchinjwa katika eneo la Majajani mjini Kilifi huku wananchi wakisema kuwa huenda mauaji hayo yamesababishwa na genge la wahalifu linalofahamika kama Umeme Boys.

Jiji la Mombasa katika miaka nyuma kulikuwepo na taswira ya muonekano wa bendera ya taifa katika maduka na majengo tofauti zilizowekwa siku moja kabla ya sherehe ya kitaifa kama ishara ya uzalendo.

Kamanda wa trafiki katika kituo cha Makupa, John Mole Lekakeny amepata wakati mgumu kulieleza jopo la ukaguzi wa maafisa wa polisi juu ya fedha alizopokea mara kumi na mbili kwa njia ya M-pesa.

Familia moja katika eneo la Floringi kaunti ya Mombasa watalazimika kulala milango wazi baada ya nyumba yao kuvunjwa milango na vyombo kutolewa nje.

Takwimu kutoka kwa mahakama ya kadhi Mombasa zinaonyesha ongezeko la kesi za talaka kutoka kesi 355 katika mwaka 2014 hadi kesi 510  mwaka 2015 zilizowasilishwa katika mahakama hiyo.

Watu watatu wakiwemo wazee wawili wa vijiji na kiongozi mmoja wa kidini wameuwawa kwa kupigwa risasi na watu wasiojulikana katika kijiji cha Bongwe huko Ukunda kaunti ya Kwale usiku wa kuamkia leo.

Afisa mmoja wa shirika la msalaba mwekundu tawi la kaunti ya Kilifi anaendelea kupokea matibabu katika hospitali moja ya kibinafsi hapa jijini Mombasa baada ya kutekwa nyara na watu wasiojulikana katika hali ya kutatanisha.

Maandamano ya CORD dhidi ya tume ya IEBC yaliyoshuhudiwa humu nchini kwa majuma kadhaa yametajwa kutatiza sekta ya utalii hapa pwani ambapo wengi wa wageni waliotarajiwa kuzuru eneo hili walikatiza safari zao. 

Jopo la majaji 7 limetoa uamuzi kuwa majaji wote wanafaa kustaafu wakiwa na umri wa miaka 70 kama inavyosema katiba.