25
Sun, Feb

Takriban watu 22 wameuawa katika shambulizi lililofanywa na waasi wa kundi la Al Shabab mjini Mogadishu, nchini Somalia jana jioni.

Kamati ya usalama huko Malindi imesema changamoto ya usalama ndio ilipelekea maafisa wa polisi na askari wa kaunti ya Kilifi kubomoa vibanda vya wafanyibiashara hapo jana katika eneo la Kwa Baya.

Wazazi  wa shule ya msingi ya Majengo huko Kasemeni eneo bunge la Kinango kaunti ya Kwale wametishia kuandamana kushinikiza  kuondolewa kwa mwalimu mkuu wa shule hiyo kwa madai kuwa anawadhulumu wanafunzi.

Jaji wa mahakama kuu Luka Kimaru amemuagiza mkurugenzi wa mashitaka ya umma kufika mbele yake leo saa sita mchana kuelezea iwapo mwanasiasa Miguna Miguna ameshitakiwa au la.

Wakazi wa kaunti ya Kwale wametakiwa kutofuata kauli ya vuguvugu la MRC la kuwakataza wananchi kutopiga kura.

Wachumba wawili wanaodaiwa kuhusika kwa ulanguzi wa watoto watasalia korokoroni kwa muda wa wiki mbili wakisubiri uchunguzi kukamilika dhidi yao.

Upungufu wa vituo vya kurekebisha tabia waathiriwa wa mihadarati nchini ni changamato kuu katika juhudi za kukabiliana na utumizi wa dawa za kulevya miongoni mwa waathiriwa hao.

Mtaii mmoja huko Malindi amevamiwa na watu wasiojulikana  na  kumsababishia majeraha mwilini.

Katibu katika wizara ya uchukuzi Irungu Nyakera amewatoa hofu wakenya kuhusu kuporomoka kwa mchanga kwa sehemu ya reli ya kisasa inayoendela kujengwa eneo la Makueni.

Waziri wa elimu Dkt Fred Matiangi amekamilisha ziara yake kaunti ya Kwale kwa kutembelea shule kadhaa za msingi za eneo hilo mapema leo kutathmini hali na jinsi mtihani wa kitaifa wa darasa la nane unavyosimamiwa.

Mwanafunzi wa chuo kikuu cha Moi anayekabiliwa na madai ya ugaidi atazuiliwa  korokoroni kwa muda wa siku 10 kusubiri uchunguzi kukamilika.

Mabalozi wa nyumba kumi huenda wakapata sababu ya kujitolea zaidi katika kazi yao hiyo inayohatarisha maisha baada ya serikali kusema itaanza kuwapa marupurupu.

Mwenyekiti wa baraza la kitaifa la ushauri kwa waislamu nchini KEMNAC Sheikh Juma Ngao amewatahadharisha waislamu dhidi ya kundi moja la watu lililochipuka analolitaja kama lenye nia ya kuzuia jopo liloteulia kufanyia marekebisho sheria za wakfu wa waislamu kutofanya kazi zake.

Polisi waliomuua Kwekwe Mwandaza wamekata rufaa katika mahakama ya Mombasa kupinga kifungo cha  miaka 7 walichopewa.

Hatimaye mbunge wa Matuga Hassan Mwanyoha ametoa kauli yake kuhusu hukumu ya kifo aliyopewa mwanawe Mafanikio Hassan Mwanyoha almaarufu  Fani Hussein  Hassan na mahakama ya Kwale wiki iliyopita kwa kumpata na hatia ya wizi wa mabavu.