Sekta ya utalii kaunti ya Kilifi imetajwa kusambaratika pakubwa licha ya serikali ya kaunti hiyo kuunda mikakati ya kuiimarisha.

Serikali ya kaunti ya Mombasa imerekodi ongezeko la asilimia 14 katika ukusanyaji wa mapato.

Wakulima katika kaunti ya Lamu wamehimizwa kutumia maghala yaliyojengwa na serikali kwa ajili ya kuhifadhi mazao yao.
Gavana wa kaunti ya Lamu Issa Timamy amesema kaunti hiyo iko na maghala manne ambayo yalijengwa kwa ajili ya wakulima na hakuna anayetumia maghala hayo.
Amesema kutokana na mvua inyavyoendelea kunyesha kuna matumaini ya watu kupata mavuno mazuri mwaka huu hivyo basi mazao hayo yanapaswa kuhifadhiwa vyema kabla ya kuuzwa.
Timamy ametoa wito kwa wakulima kuhifadhi mazao yao katika maghala ya serikali ili kuepuka hasara ya mazao hayo kuharibika au kununuliwa kwa bei duni kwani baadhi ya wafanyibiashara huwanyanyasa wakulima kwa kuwanunulia mazazo yao kwa bei ya chini sana.
Aidha amesema bajeti ya kilimo ya mwaka ujao itaongezwa ili kuboresha zaidi kilimo katika kaunti hiyo na kuongeza kiwango cha uzalishaji wa chakula kwa ajili ya wakaazi wa Lamu na hata kwa ajili ya biashara.

Huku gharama ya maisha ikizidi kuongezeka serikali imeshauriwa kuweka mazingira bora ya kufanya biashara nchini ili wafanyabiashara waweze kufanya biashara kwa urahisi.

Akizungumza wakati wa ufunguzi wa tawi la Naivas Bombolulu hapa Mombasa mkurugenzi mkuu wa mauzo katika maduka hayo Willy Kimani amesema kuna haja ya serikali kuwacha kupiga siasa na kuhakikisha kuwa mazingira ya biashara nchini yanaboreshwa.

Aidha amesema kuwa hali ilioko kwa sasa imechangia kupungua kwa biashara hasa ikizingatiwa kuwa wateja wanalazimika kupunguza mahitaji yao kutokana na ugumu wa maisha..

Kufunguliwa kwa tawi hilo jipya kumefikisha idadi jumla ya maduka ya Naivas nchini kufikia 94 ambapo kulingana na mkurugenzi huyo zaidi ya vijana elfu 10 wameweza kupata ajira huku maduka 6 zaidi yakitarajiwa kufunguliwa katika sehemu mbalimbali za nchi mwaka huu ili kufikisha idadi jumla ya maduka 100.